Vörur
Hér á undirsíðunum má sjá hinar ýmsu vörur sem Eirberg býður upp á. Vinsamlegast smellið á hlekkina til hægri til að fá lista yfir vörur í þeim flokki. Einnig má slá inn hluta úr vöruheiti í leitargluggann.
Gæði borga sig
Eirberg veitir sérhæfða þjónustu og býður eingöngu vandaðar vörur. Markmið okkar er að efla heilsu og auka lífsgæði, auðvelda störf og daglegt líf, og stuðla að hagræði og vinnuvernd.
Við leggjum áherslu á að viðskiptavinir geti treyst því að vörurnar standi undir væntingum og séu ánægðir með þjónustu okkar. Þeir sem það upplifa vita líka að gæði borga sig til lengri tíma litið.
Hjálpartæki og heilbrigðisvörur
Í verslun okkar fæst úrval vandaðra heilbrigðisvara, vörur fyrir sjúkrastofnanir, hjálpartæki og búnaður ýmiss konar. Við leggjum mikla áherslu á vinnuvernd og seljum stóla og lofthreinsitæki, nudd- og meðferðarbekki.
Í verslun okkar er einnig gott úrval af vörum sem auðvelda daglegt líf, til dæmis snyrti- og eldhúsáhöld fyrir þá sem eru með skerta hreyfigetu. Áhöldin eru fyrirferðarlítil, styðja fólk til sjálfsbjargar og auka öryggi þess. Við seljum einnig sturtukolla, baðbretti, salernisstoðir og upphækkanir fyrir salerni.
Það skiptir sköpun fyrir þá sem þurfa að nota hjólastól að þeir séu liprir og þægilegir. Við bjóðum ýmsar gerðir hjólastóla frá Panthera og Meyra-Ortopedia, sem og sessur og fylgihluti. Einnig snúningsmottur fyrir bílsæti sem auðvelda fólki að komast inn í og út úr bíl.
Iðjuþjálfi Eirbergs hefur sérhæft sig í ráðgjöf og sölu hjólastóla og markmið okkar er að koma til móts við þarfir hvers og eins til að auka lífsgæði. Þar að auki bjóðum við ráðgjöf um notkun vinnustóla fyrir fatlaða og aldraða. Við leigjum einnig út hjólastóla og göngugrindur í verslun okkar að Stórhöfða 25.
Rafskutlur – frelsi og nýir möguleikar
Rafskutlur, lyftihægindastólar, göngugrindur á hjólum og stafir, njóta vinsælda meðal eldri borgara. Í versluninni er úrval af slíkum búnaði og vörum sem auka athafnafrelsi. Eirberg selur traustar og vandaðar rafskutlur frá Pride Mobility Products og Meyra-Ortopedia. Þær henta eldri borgurum og hreyfihömluðum jafnt innan dyra sem utan, nánast allan ársins hring. Snúningssæti auðveldar aðgengi og stilla má hraðann eftir aðstæðum. Rafskutlurnar eru einfaldar í notkun og hagkvæmar í rekstri.
Rafknúnir hægindastólar
Rafknúnu hægindastólarnir frá Pride Mobility Products hafa slegið í gegn hjá einstaklingum og stofnunum. Stólarnir auðvelda notendum að setjast og standa upp. Þeir eru þægilegir og með einföldum stillingum. Fjölmargar gerðir eru fáanlegar.
Meðferðarstofur og endurhæfing
Við höfum til sölu vörur sem henta til endurhæfingar á meðferðarstofum og snyrtistofum, aðallega meðferðabekki, nuddbekki, snyrtistóla, vinnustóla, kolla, olíur og tengdar vörur.
SOEHNLE fitnessvogin er notuð á heilsuræktarstöðvum og við næringarráðgjöf. Vogin mælir þyngd, líkamsþyngdarstuðul BMI, hlutfall vöðvamassa og vökva í líkamanum. Niðurstöðuna er hægt að prenta út og varðveita til síðari tíma samanburðar.
MOTOmed meðferðar- og þjálfunarhjólin frá Reck eru viðurkennd til notkunar við hvers kyns endurhæfingu. Frábær reynsla hefur þegar fengist á íslenskum stofnunum og heimilum víða um land. MOTOmed er vandað og háþróað þjálfunarhjól með íslenskum leiðbeiningum sem birtast á skjá notenda.
Búnaður fyrir
· Sjúkrahús
· Hjúkrunarheimili
· Heilsugæslu
· Læknastofur
- Áratuga reynsla -
Sérhannaðar baðvörur tryggja örugga umönnun
Við bjóðum úrval tækja og búnaðar til böðunar, meðal annars frá Beka-Hospitek sem er leiðandi á sviði rafknúinna baðkera, baðlyfta og baðstóla með rafknúinni hækkun. Einnig seljum við Senta baðlyftur sem henta bæði fyrir baðker og sturtur. Starfsfólk okkar aðstoðar við val á þessum búnaði.
Sjúkrarúm, hjúkrunar- og heilsurúm
Við bjóðum úrval sjúkra- og hjúkrunarrúma, meðal annars frá Proton Caretec og Stiegelmeyer. Einnig rúm fyrir börn með sérþarfir frá KayserBetten. Rúmin eru stillanleg og ýmsir fylgihlutir fáanlegir, svo sem stuðningshandföng, gálgar og náttborð. Þessu til viðbótar bjóðum við Winx-heilsurúmin frá Lattoflex. Hreyfingar rúmbotnsins auka blóðflæði með vöðvaslakandi kerfi; MiS® Micro-Stimulation systems.
Varnir gegn legusárum
Thevo dýnukerfið frá Thomashilfen byggir á MiS®, viðurkenndri vörn gegn legusárum. Það dregur úr verkjum og örvar líkamsvitund. Dýnan gefur frá sér mjúkar, örvandi hreyfingar sem byggðar eru á fræðilegum rannsóknum. Thevo passar í öll rúm og fæst með eða án mótors. Dýnukerfið er notað á sjúkrahúsum, hjúkrunarheimilum og á einkaheimilum. Klínískar rannsóknir staðfesta góðan árangur.
QUATTRO loftdýnurnar frá Talley Group eru viðurkenndar, vandaðar og hljóðlátar. Þær fást í ýmsum útfærslum og eru notaðar til að meðhöndla og fyrirbyggja legusár.
Sárasogtæki
VenturiTM sárasogtækið frá Talley Group er bylting í sárameðferð. Tækið beitir neikvæðum þrýstingi sem stuðlar að skjótari sáragræðslu. Rannsóknir sýna að VenturiTM hefur jákvæð áhrif á margs konar sárameðferð, svo sem vegna legusára, fótasára, sykursýkissára og sára eftir skurðaðgerðir. Tækinu fylgir handhæg hliðartaska sem eykur frelsi sjúklinga á meðan á meðferð stendur.
Scan Modul birgðavagnar og innréttingar
Scan Modul vagnar og einingar eru notuð á fjölda heilbrigðisstofnana hér á landi og hafa einfaldað birgðastýringu smávara og birgðahald - og þar með aukið hagræði. Raða má skúffum eða grindum saman í vagna og innréttingar sem eru af ýmsum stærðum og gerðum. Skúffurnar má einnig hólfa niður með skilrúmum. Óháð könnun hefur sýnt fram á hagræði og beinan fjárhagslegan sparnað við notkun kerfisins.
Fólkslyftur og loftfest lyftukerfi
Loftfest lyftukerfi njóta aukinna vinsælda hér á landi, ekki síst vegna nýlegra reglugerða. Stjórnendur heilbrigðisstofnana gera sér í auknum mæli grein fyrir mikilvægi vinnuverndar, hagræðingar og sparnaði í umönnunarstörfum sem lyftukerfi hafa í för með sér. Loftfest lyftukerfi frá Guldmann hafa verið sett upp á mörgum stofnunum og heimilum hér á landi. Við seljum einnig færanlegar fólkslyftur frá Guldmann og Molift, ásamt sérstökum ferða- og standlyfturum.
Vinnuvernd og vinnuhagræði
Góð vinnuaðstaða bætir líðan og eflir starfsorku. Slík fjárfesting eykur árangur og vellíðan í starfi. Við seljum stóla, kolla, borð og lofthreinsitæki sem bæta vinnuumhverfið.
Vinsældir Swopper vinnustólsins hafa aukist jafnt og þétt síðustu ár, bæði á heimilum og á vinnustöðum. Þessi byltingarkenndi stóll styrkir bak- og kviðvöðva, stuðlar að dýpri öndun og frjálsari hreyfingum við leik og störf. Swopper er fáanlegur í mörgum litum og nú fæst hann einnig fyrir börn.
Bætum loftið með Airfree
Airfree lofthreinsitækið gerir vinnustaðinn heilnæmari með áhrifaríkum hætti. Airfree tækið hefur hlotið verðskuldaða athygli hér á landi, enda bætir það líðan sem skilar sér fljótt í bættri heilsu starfsmanna. Gott andrúmsloft veitir vellíðan og þægindi.
Airfree er bæði hljóðlaust og sjálfhreinsandi. Tækið er kjörið að nota á heimilum; í svefnherberginu og dagstofunni. Það er fyrirferðarlítið og eyðir svifryki, frjókornum, gæludýraflösu, bakteríum og örverum, auk þess sem það eyðir lykt og frískar andrúmsloftið.
Primedic hjartastuðtæki
Primedic hjartastuðtækið er ávallt tilbúið til notkunar. Hjartastuðtækið er sjálfvirkt og einfalt í notkun með einum aðgerðahnappi. Íslensk rödd gefur fyrirmæli og leiðbeinir skref fyrir skref þegar mest á reynir. Tækið er búið litíum rafhlöðu sem endist í fimm ár. Hjartastuðtæki eru nauðsynleg á allar heilsugæslustöðvar, í íþróttamannvirki, verslunarmiðstöðvar, fyrirtæki, stofnanir og einnig þar sem langt getur verið í hjálp. Hjartastuðtæki innan seilingar veitir öryggi og hafa slík tæki oft bjargað mannslífum. Primedic eru mest seldu hjartastuðtækin í Noregi. Einnig fáanleg fyrir sjúkrahús og sjúkrabíla.