Persónuleg þjónusta og fagleg ráðgjöf

Lögð er áhersla á persónulega þjónustu og faglega ráðgjöf. Starfsfólk Eirbergs telur meðal annarra, hjúkrunarfræðinga, iðju- og þroskaþjálfa.

Eirberg býður sérstaka ráðgjöf og þjónustu varðandi gervibrjóst, stóma og þvagleggi í sérhönnuðu húsnæði fyrirtækisins. Hjúkrunarfræðingur, með áralanga reynslu, veitir stomaþegum persónulega ráðgjöf og fræðslu við val og notkun á stomavörum, ásamt ráðgjöf til þeirra sem nota þvagleggi, þvagpoka og uridom. Við val á gervibrjóstum, viðeigandi brjóstahöldum og sundfatnaði er lögð sérstök áhersla á þarfir viðskiptavina. Aðstoðað er við val á þrýstingsfatnaði sem seldur er eftir máli, þetta eru þrýstingssokkar, þrýstingsermar og þrýstingshanskar.

Í boði er ráðgjöf við val á heilsurúmum, hjúkrunar- og sjúkrarúmum, búnaði til einstaklinga, stofnana og ráðgjöf við val á hvers kyns lyftum fyrir hreyfihamlaða, bað- og salernishjálpartækjum til einstaklinga og sjúkrastofnana. Aðstoðum við val á rafskutlum og lyftistólum. Lögð er áhersla á þjónustu við heilbrigðisstofnanir læknastofur, nuddstofur og samvinnu við heimahjúkrun og aðra þjónustuaðila. 

Útleiga hjálpartækja

Hjólastólar

Leigutaxti: 995 kr. dagurinn.
Lágmarksleigutími: 4 dagar (3.980 kr).
Hámarksleigutími: 8 vikur. 
Tryggingargjald: 55.000 kr.

Göngugrindur með hjólum
Leigutaxti: 470 kr. dagurinn.
Lágmarksleigutími: 7 dagar (3.290 kr).
Hámarksleigutími: 4 vikur. 
Tryggingargjald: 20.000 kr.

Göngugrindur án hjóla
Leigutaxti: 350 kr. dagurinn.
Lágmarksleigutími: 7 dagar (2.450 kr).
Hámarksleigutími: 4 vikur.
Tryggingargjald: 10.000 kr.

Iðjuþjálfi Eirbergs hefur sérhæft sig í ráðgjöf og sölu hjólastóla en markmið okkar er að koma til móts við sérþarfir hvers og eins notanda þannig að hann njóti sem bestra lífsgæða. Þar að auki er boðin ráðgjöf um sérhæfða vinnustóla sem Eirberg hefur á boðstólnum fyrir fatlaða, aldraða og aðra þá sem hafa miklar sérþarfir.

Í verslun Eirbergs eru til sýnis hjálpartæki sem Tryggingastofnun ríkisins tekur þátt í að greiða. Kynningar eru í boði fyrir fagfólk og þjónustuferðir farnar reglulega út um land. Auk þess býður Eirberg heimsendingarþjónustu til viðskiptavina sem þess óska.