Persónuleg þjónusta og fagleg ráðgjöf

Eirberg byggir á traustum grunni og selur vörur frá viðurkenndum framleiðendum, aðallega frá Skandinavíu, Þýskalandi og Bandaríkjunum.

Fagmenntað starfsfólk í þína þágu

Hjá okkur starfar einvala lið sérfræðinga og starfsfólks með mikla reynslu sem leggur metnað sinn í að átta sig á þörfum viðskiptavina og koma til móts við óskir þeirra. Hjúkrunarfræðingar og þroskaþjálfar, auk sjúkraþjálfara, iðjuþjálfa og tæknimanna, búa yfir víðtækri fagþekkingu á vörum okkar og búnaði.

Við þjónustum heilbrigðisstofnanir, læknastofur og meðferðastofur, og erum í samstarfi við umönnunaraðila og þá sem starfa við heimahjúkrun. Við leggjum áherslu á ráðgjöf og leiðbeiningar um rétta notkun á hjálpartækjum og öðrum búnaði og veitum notendum aðstoð við val á heilbrigðisvörum, rúmum, stólum, hjálpartækjum og rafskutlum.

Eirberg er með rammasamninga í gildi við heilbrigðisstofnanir og Sjúkratryggingar Íslands, meðal annars um kaup á hjúkrunar- og sjúkrarúmum, hjúkrunarvörum, hjólastólum, göngutækjum, bað- og salernishjálpartækjum, vinnustólum og fólkslyfturum.

Sérverslun með hjálpartæki og heilbrigðisvörur

Verslun Eirbergs er til húsa að Stórhöfða 25 í Reykjavík. Þar fæst úrval vandaðra heilbrigðisvara, vörur fyrir sjúkrastofnanir, hjálpartæki og búnaður ýmiss konar. Við leggjum mikla áherslu á vinnuvernd og seljum stóla og lofthreinsitæki, nudd- og meðferðarbekki.

Í verslun okkar er einnig gott úrval af vörum sem auðvelda daglegt líf, til dæmis snyrti- og eldhúsáhöld fyrir þá sem eru með skerta hreyfigetu. Áhöldin eru fyrirferðarlítil, styðja fólk til sjálfsbjargar og auka öryggi þess. Við seljum einnig sturtukolla, baðbretti, salernisstoðir og upphækkanir fyrir salerni.

Rafskutlur, lyftihægindastólar, göngugrindur á hjólum og stafir, njóta vinsælda meðal eldri borgara. Í versluninni er úrval af slíkum búnaði og vörum sem auka athafnafrelsi.

Að Stórhöfða 25 eru viðtalsherbergi fyrir þjónustu og ráðgjöf vegna stóma og þvagleggja. Við bjóðum vörur frá Trulife, Amoena og Anita fyrir konur sem misst hafa brjóst. Sérsniðnu þrýstingssokkarnir frá Bauerfeind eru þekktir fyrir gæði og viðurkenndir af sérfræðingum.

Þróunin á sviði hjálpartækja hefur verið ör á síðustu árum. Þegar ný og endurbætt tæki koma á markað bjóðum við fagfólki og notendum til kynningar og fræðslu í húsakynnum okkar.

Vörur fyrir hjúkrunarheimili

Eirberg flytur inn fjölbreyttan búnað sem hentar hjúkrunarheimilum og heilbrigðisstofnunum. Við veitum arkitektum og byggingaraðilum upplýsingar um húsgögn, lyftukerfi, stigalyftur og annan búnað, og leitum lausna sem henta hverju sinni.

Vörur fyrir sjúkrahús, heilsugæslu og læknastofur

Við bjóðum vandaðan búnað og innréttingar fyrir sjúkrahús, heilsugæslu og læknastofur. Einnig rúm, neyðarvagna, skoðunarbekki og lampa, stálborð, vagna og húsgögn. Þessu til viðbótar seljum við úrval mæla og ýmsar aðrar vörur. Áratuga reynsla.

Gæði borga sig

Eirberg veitir sérhæfða þjónustu og býður eingöngu vandaðar vörur. Viðskiptavinir eiga að geta treyst því að vörurnar standi undir væntingum. Þeir sem það upplifa vita líka að gæði borga sig til lengri tíma litið.

Við viljum veita heilbrigðisstofnunum, fagfólki og einstaklingum gagnlega ráðgjöf og góða þjónustu. Vörurnar okkar auðvelda fólki bæði störf og daglegt líf, og stuðla að hagræði og vinnuvernd. Markmiðið er að stuðla að auknum lífsgæðum fólks og efla heilsu þess.

Við erum til þjónustu reiðubúin. Verið velkomin í vefverslunina og í verslun okkar að Stórhöfða 25. Hægt er að hafa samband við okkur í síma 569 3100 virka daga frá kl. 9:00 – 18:00 og á laugardögum kl. 11:00 – 16:00 eða á eirberg(hjá)eirberg.is